Ќе се осмели ли некој да го урне рекордот на Лазаров? (ФОТО+ВИДЕО)
Нашиот десен бек реализираше 61 погодок пред осум години, а воедно е и рекордер во историјата на светските шампионати.
Повторно погледите ќе бидат насочени кон најискусниот Кирил Лазаров од кој се очекуваат најмногу голови, иако не настапи на последните контролни средби.
Се поставува прашањето дали ќе се осмели некој да го брка неговиот рекорд, а на ова ЕП тоа е можно да се случи, со оглед на тоа што за првпат учествуваат 24 репрезентации, иако тој податок и не мора да значи многу. Потајно посакуваме и после завршувањето на шампионатот, Лазаров да остане најдобар стрелец, а зошто да не се обиде и да го подобри својот учинок.
Селекторот Данило Брестовац е свесен дека очекува свој придонес да дадат и помладите кои треба во иднина да бидат носители на играта.
Нашиот 39-годишен десен бек кој ги брани боите на францускиот клуб Нант се наоѓа на првото место на вечната листа со најмногу голови на едно Европско првенство.
На континенталниот собир во 2012 година Лазаров постигна 61 погодок, а воедно со 92 голови е рекордер во историјата на светските шампионати.