Ќе мора на позајмица, Кутињо се сели во Премиер лигата!?

EPA-EFE/MARTA PEREZ

Барселона го понудила Филипе Кутињо на две екипи од Премиер лигата на позајмица, а англиските медиуми откриваат дека една од нив е Арсенал.

Шокантно звучи, но ниту после доведувањето на Дани Себалос и Никола Пепе, „топчиите“ не завршија со ангажирање на летни засилувања кои би имале придонес во нападот.

За денеска се очекува да се сретнат челниците на Арсенал и Барселона за евентуален трансфер на Кутињо. Клучен човек во тие разговори би бил поранешнниот спортски директор на Барса, Раул Саниел, а од февруари 2018 година раководител во фудбалскиот сектор на Арсенал.

И натаму има силни контакти и добри односи на стадионот Камп Ноу и ќе се обиде во финишот од преодниот рок уште еднаш да ги израдува навивачите на Арсенал.

Од друга страна, пак, во Каталонија чекаат да видат дали ПСЖ ќе го пуштат Нејмар, па Кутињо евентуално би се преселил во Париз. Тоа е уште една опција за Бразилецот.

Во Арсенал немаат многу време за губење, а најскапото засилување во клупската историја и еден од најплатените играчи во тимот на Валдерде во овој момент дури и размислува за Арсенал, бидејќи за него нема место во составот на каталонскиот гигант. А како што веќе рековме сè ќе зависи од расплетот за Нејмар…

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот