Казахстан почна вакцинација против коронавирусот со сопствената вакцина „КазВак“, која е во трета фаза на клинички испитувања, а денеска во трговските центри каде се врши масовна имунизација, таа беше единствената опција.

Ројтерс пренесува дека речиси милион луѓе од државата со 19 милиони жители, веќе ја примиле руската вакцина „Спутник В“ , која Казахстан ја увезува и произведува во земјата, а државниот здравствен фонд исто така нарача милион дози на кинеската вакцина на „Синофарм“.

Министерот за здравство Алексеј Цои ја прими првата доза од вакцината во директен телевизиски пренос, и најави соработка со Турција за додатно да се развие производството, а исто како „Спутник В“, вакцината „КазВак“ се прима во две дози во интервал од три недели.

„КазВак“ моментално е во фаза 3 од клиничките испитувања, која ќе биде завршена до јули, а сите 222 луѓе кои учествуваа во првите две фази развиле имунитет на ковид-19, без пријавени поголеми несакани ефекти, според Државниот институт за истражување на биолошката безбедност кој ја разви вакцината.

Во „Мега паркот“, еден од главните места за купување во најголемиот казахстански град Алмати, каде се врши и вакцинацијата. „КазВак“ денеска беше единствената достапна опција за имунизација.

Казахстан досега пријави преку 360.000 случаи на ковид-19 и 4.381 смртен случај како последица од оваа болест од почетокот на пандемијата.