Кавги во бракот – до кога да се толерираат?

Дали во бракот мажот и жената почнуваат да разговараат на сосема различен јазик и не ги гледаат потребите на својот партнер? Дали кавгите во бракот се добра или лоша работа? Од претераното префрлање, незадоволството и нерешените кавги секако дека конфликтите меѓу партнерите се продлабочуваат. Без оглед дали станува збор за ситници или за крупни расправии, генерално сме свесни дека кавгите во врската можат да нè одвојат од првобитната идеја за љубов, заедништво и идеален брак. Зошто е тоа така? Вистина е дека сите сме различни и имаме различни потреби. Ако вашиот партнер не ги препознава вашите потреби, доаѓа до конфликт. Меѓутоа, дали секоја кавга може да доведе до крах на емотивната врска или работите по караницата можат да се поправат? И во двата случаи одговорот е позитивен.

Во афект не можеме баш трезвено да размислуваме, меѓутоа како што се смируваат страстите, одредена кавга во врската би можела да ни претставува патоказ како треба да се однесуваме кон партнерот. Без добра комуникација и компромис не би издржале ниту еден ден со некоја личност. Меѓутоа, што се случува кога компромисот не е добро решение, а комуникацијата не се подобрува поради честите кавги во бракот? Притоа одредени лица се исклучително затворени во однос на своите чувства и избегнуваат комуникација со партнерот.

Златно правило е дека не можеме постојано да се лутиме и да се караме околу исти работи. Ако партнерот секогаш ги прави истите работи што ве донесуваат до лудило и евидентно нема причина да ги смени, дали секогаш ќе започнувате кавга? Ако почнете да размислувате на тој начин, тогаш сте на вистинскиот пат да ја промените својата улога што сте си ја препишале себеси во брачниот однос. Кога вие ќе почнете да го менувате односот кон партнерот, можете да ги намалите конфликтите и да ги донесете на разумен минимум.

Од друга страна, ако вашиот брачен живот станал исклучиво тежок и доколку покрај бројните кавги во врската не гледате излез од лошиот однос, тогаш треба да размислите дали вреди таквиот однос. Не треба по секоја цена да трпите постојани расправии ако сметате дека односот не може да биде подобар. Ако со разговор, промена на однесувањето или отстапките не успеете да ги избегнете кавгите, тогаш е време да ги преиспитате вредностите на тој брак.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот