Кавани суспендиран на три натпревари поради расизам
Фудбалерот на Манчестер јунајтед Единсон Кавани ќе ги пропушти наредните три натпревари на својата екипа, поради казната од Фудбалската асоцијација на Англија.
Кавани во ноември го постигна победничкиот гол против Саутемптон, а после мечот на својот „Инстаграм“ профил му се заблагодари на еден пријател на комплиментите со зборовите: „Грасиас негрито“.
ФА го оцени ваквиот коментар како социјално неприфатлив и одлучи да го казни Уругваецот.
Кавани ќе ги пропушти следните три натпревари на својот тим, против Астон Вила (денеска, 21.00 часот), Манчестер сити и Вотфорд, а се очекува да се врати во составот за дербито со Ливерпул.
Покрај трите натпревари суспензија, напаѓачот на Јунајтед ќе треба да плати и 100.000 илјади фунти.