Катастрофа во Јемен: Повеќе од 10 милиони луѓе се соочуваат со глад

epa08537036 A Yemeni girl gets a free food ration from a charity group in Sana'a, Yemen, 09 July 2020. According to reports, the United Nations has warned that war-ridden Yemen is again on the brink of famine because of a lack of donor funds as 80 percent of the Arab country's 29 million-population dependent on humanitarian aid. Yemen is experiencing the world's worst humanitarian crisis, driven by more than five years of war. EPA-EFE/YAHYA ARHAB

Во судирите убиени се десетици илјади луѓе, приближно четири милиони лица се раселени, а 80 проценти од 29-милионското население зависат од хуманитарната помош. 

Приближно 10 милиони луѓе се соочуваат со недостиг на храна во Јемен и потребна е итна акција за надминување на таквата ситуација, соопшти Светската програма за храна на Обединети нации.

Светската програма за храна наведе дека се потребни 737 милиони долари до крајот на годината за да продолжи помошта за Јемен.

Портпаролката на Светската програма за храна, Елизабет Бирс истакна дека повеќе од 20 милиони имаат небезбеден пристап до храна, од кои 13 милиони добиваат хуманитарна помош. Додека два милиони деца, еден милион бремени жени или доилки имаат потреба од лекување поради неисхранетост.

– Јемен се соочува со криза на неколку фронтови. Увозот е намален, цените на прехранбените артикли се зголемуваат, риалот е во слободен пад, а резервите на странски валути се доближуваат до нула, посочи Бирс.

Таа додаде дека се е помала хуманитарната помош на Светската програма за храна во северниот дел на Јемен и оти се надева дека тоа нема да се случи на други места.

Војната во Јемен  помеѓу бунтовниците Хути, поддржани од Иран и провладините сили ескалираше во март 2015 година, кога воена коалиција предводена од Саудиска Арабија интервенираше против бунтовниците, кои контролираат поголем дел од Јемен, вклучително и главниот град Сана.

Во судирите убиени се десетици илјади луѓе, приближно четири милиони лица се раселени, а 80 проценти од 29-милионското население зависат од хуманитарната помош.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот