Бевме сведоци на вистинска драма во последните часови од летниот преоден рок. Три големи трансфери, кои зависеа еден од друг, и кои наводно беа безбедни во текот на денот, при крајот на затворањето на фудбалскиот пазар речиси и да пропаднаа поради колапсот на системот за регистрација на играчи во канцелариите на „Ла Лига“.

Иако се чинеше дека враќањето на Гризман во Атлетико, заминувањето на Саул во Челси и трансферот на Де Јонг во Барселона беше договорено и направено, на самиот крај од преодниот рок стана комплицирано. Како што падна системот преку кој се регистрираат играчите, во еден момент изгледаше дека Французинот ќе остане во Барселона, а Шпанецот во Атлетико. Сепак, во последните секунди проблемот беше решен.

– Во Барса го слават заминувањето на Французинот

Во Барселона сега можат лесно да дишат, иако беа финансиски катастрофални доколку го погледнеме договорот со Гризман. Пред само две години, тој дојде од Атлетико за дури 120 милиони евра, а сега Симеоне го врати на позајмица за само 10 милиони и дополнителни 40 доколку одлучат да го откупат.

Барселона не тагува за Французинот. Покрај тоа, Каталонскиот „Спорт“ го цитира еден од водечките луѓе од спортскиот сектор на Барселона, кој рече: „Ќе го сменевме Гризман и за Пајо Паторот“.

Фудбалска „бомба“ во Шпанија: Антоан Гризман се враќа во Атлетико Мадрид

Кога системот за регистрација на играчи се сруши, неколку минути пред полноќ, камерите го фатија директорот на Барселона, Матеу Алемани, како се држи за глава мислејќи дека договорот ќе пропадне и Гризман ќе остане на „Камп Ноу“.

Inside a crazy deadline day at Barça: Donald duck, pizzas & exhausted staff | from our new signing @ferrancorreas https://t.co/84W5jDYhzf

— SPORT English (@Sport_EN) September 1, 2021