Поранешниот потпретседател на каталонската влада Ориол Жункерас кој е осуден на 13 години затвор изјави дека Каталонија ќе организира нов референдум.

Жункерас е осуден токму поради организирање на забранетиот референдум за независност на Каталонија од Шпанија.

-Референдумот е нешто нормално, а ние сакаме повторно да направиме. И ќе го направиме тоа, рече Жункерас во каталонскиот парламент.

Тој и уште петмина политичари денеска учествуваат во истражна Комисија во каталонскиот парламент, што е прво излегување од затвор по пресудата. Комисијата го истражува членот 155 од шпанскиот Устав, со кој во есента во 2017 година Мадрид ја презеде контролата врз Каталонија.