Каталонците потврдија, Нејмар сака во Барселона
Бразилецот Нејмар секој ден е се поблиску до враќање во Барселона која ја напушти пред две години за рекордни 222 милиони евра и премина во ПСЖ.
По само две години минати во Париз, Нејмар очајно сака да се врати во каталонскиот клуб, по што челниците на Барселона му поставија неколку услови кои мора да ги исполни.
Еден од условите беше е Нејмар официјално да побара трансфер и да признае дека згрешил што ја напуштил Барселона. Откако ги исполни тие услови, потпретседателот на Барселона, Жорди Кардонеро изјави дека враќањето на Нејмар е реалност но не е приоритет во моментов.
– Правилно е да се каже дека Нејмар сака да се врати во Барселона, но не се согласувам дека Барселона премногу се занимава со потписот со Нејмар. Тоа моментно не е на дневен ред и не ми се допаѓа како си замина од клубот. Многу луѓе кои си заминале сакале да се вратат, тоа се случувало и во минатото како со Пике и Фабрегас – вели Кардонеро.