Кастриот Реџепи може да му се приклучи на владејачкото мнозинство, вели Џафери
Собранискиот спикер Талат Џафери вечерва во студиото на ТВ21 најави дека од утре ќе се знае како ќе изгледа новото парламентарно мнозинство.
-Не е исклучена можноста пратеникот од редовите на Беса, Кастриот Реџепи, да биде дел од актуелното мнозинство, но сепак тоа ќе биде негова лична одлука, изјави Џафери за емисијата „Клик плус“.
Тој исто така информира дека на 15 ноември почнува седницата на Комисијата за финансии и буџет, а на 26 ноември е закажана пленарна седница.
-Потоа буџетот се враќа на разгледување во Влада. На 1 декември повторно се разгледува на пленарна седница, а до 5 декември до полноќ треба да се изгласа, појасни Џафери.