Касано: Кристијано Роналдо е „голем проблем“ за Пирло!
Поранешниот репрезентативец на Италија смета дека петкратниот освојувач на „Златната топка“ претставува пречка за „бјанконерите“ откако се приклучи на клубот.
Кристијано Роналдо не е играчот кој што „беше пред четири години“, според Антонио Касано, кој воедно вели дека суперѕвездата на Јувентус е „голем проблем“ за тренерот на клубот, Андреа Пирло.
Не успеа да ги одведе италијанските гиганти подалеку од четвртфиналето во Лигата на шампионите, исто така ја загубија трката за Скудетото сезонава, а како како најава за тоа е поразот од Беневенто.
– Јувентус се ослободи од Масимилијано Алегри кој во последните 20 или 30 години, го произведе најдобриот фудбал во Италија и неговиот голем проблем беше Кристијано Роналдо. Беше за Маурицио Сари и сега е за Пирло – рече поранешниот напаѓач на Мадрид и Италија, Касано за Твич каналот на Кристиан Виери, „Бобо ТВ“.
Касано во својата кариера редоследно успеа еднаш да го освои Суперкупот на Италија со Рома, еднаш шпанската „Ла Лига“ со Реал Мадрид, а ги освои Серија А и италијанскиот Суперкуп во дресот на Милан.
– Роналдо е некој на кого треба да му дадете топка и да постигнува гол, размислувајќи за неговите рекорди. Роналдо не е играчот што беше од пред четири години. Го потпишаа за освојување на Лигата на шампионите и не успеаја. Пирло, како тренер дебитира и нема искуство да се справи со играчот со највисок медиумски профил во светот во неговиот тим, бидејќи може да создаде проблеми за тебе.
Дејан Кулушевски, на пример, е многу условен од Роналдо, тој не е слободен, тој секогаш го бара. Доколку имате млади луѓе без силен менталитет, тогаш се појавуваат проблеми – додаде Касано.