Изминатиот викенд е исплатена рекордна сума за спортска картичка за колекционери. За сликичката на дебитантот Лука Дончиќ се исплатени неверојатни 4.6 милиони долари.

Станува збор за колекционерска картичка од сетот за сезоната 2018/19 во која Дончиќ беше дебитант, а картичката има озната „Auto Logoman 1/1“.
Сетот НБА картички за сезоната 2018/19 е еден од најдобрите бидејќи има 10 картички кои тешко може да се пронајдат. Овој сет картички речиси е невозможно да се комплетира, додека целиот сет на НБА картички за сезоната 2019/20 се продава за само 4.500 долари.

Дебитантската картичка на Лука Дончиќ е прва која е направена за словенечки кошаркар кој во меѓувреме стана ѕвезда на Далас маверикс, но и во НБА лигата.

Зборот „Auto“ во описот значи дека картичката е потпишана лично од Лука Дончиќ и тоа за време на нејзината изработка. Зборот „logoman“ значи дека на картичката се наоѓа и логото на клубот, но во овој случај тука е логото на НБА лигата, кое го имаат само ретки картички од овој тип и токму тоа и ја крева вредноста.
Описот „1/1“ е јасен, на светот постои само една ваква картичка и никогаш нема да биде направена друга.
Каритчката е продадена на 27. февруари за неверојатни 4.6 милиони долари.

 

View this post on Instagram

 

A post shared by Bolillo Lajan San (@shyne150)