8 C
Скопје

Карпош воведува дневен престој во училиштата, родителите загрижени за здравјето на децата

Во основните училишта во Општина Карпош ќе се воведува дневен престој, во кој треба да бидат згрижени учениците од прво до трето одделение што посетуваат настава со физичко присуство, а кои нема кој да ги чува додека родителите се на работа.

Ова им било соопштено на родителите на основците на итно организиран родителски состанок во вторникот, при што им било речено дека до следниот ден мора да ги пријават децата што ќе посетуваат дневен престој.

Според зборовите на родителите кои не контактираа, Општината за воведувањето дневен престој со допис ги известила училиштата, па и самите наставниците биле затекнати од состојбата затоа што не им било јасно ниту кој ќе ги згрижува децата, ниту како ќе се почитуваат протоколите  за заштита од коронавирусот. Загрижените  родители стравуваат дека со воведувањето на дневен престој станува невозможно почитувањето на протоколите за заштита, затоа што во дневен престој се згрижуваат ученици од повеќе одделенија

Прочитајте и...  Приватните специјализанти бараат здравствено осигурување, повисока плата, платено дежурство и вработувања

– Досега во училиштето строго се почитуваа протоколите. Децата од секое одделение одеа во две смени, во групи од по 10 ученици, за да не се мешаат меѓу себе. Нема контакти со учениците од другите одделенија дури ни за време на одморите. Досега сѐ одеше добро и сега одеднаш Општината воведува дневен престој, кој се знае како функционира, се згрижуваат деца од различни одделенија. Како во такви услови ќе се почитуваат протоколите? Ние не баравме дневен престој туку целодневна настава, што е сосема различно – револтирано објаснува мајка на второодделенец од ОУ „Христијан Тодоровски Карпош“.

Според неа, наместо да се објаснат протоколите што би се спроведувале доколку навистина профункционира дневен престој, на родителите им било кажано дека со дневниот престој задолжително мора да се плати и исхрана.

Од Општина Карпош велат дека дневниот престој, односно адаптираниот продолжен престој, како што го нарекуваат, се воведува по барање на родителите.

Прочитајте и...  Лончар: Во Србија досега се вакцинирале речиси 15 000 македонски граѓани, можеме да ви ја дадеме истата количина за ревакцина

– До нас пристигнаа повеќе петиции (поткрепени со потписи) од самите училишта. Не е точно дека оваа одлука е единствено на наша иницијатива. Напротив, родителите ја иницираа бидејќи имаше поплаки дека нема кој да ги чува децата, затоа што во тој период од денот родителите се на работа – објаснуваат од Карпош.

На прашањето дали добиле одобрение за ова од Комисијата за заразни болести, од Карпош велат дека е разговарано со Министерството за образование и наука и Комисијата за заразни болести, со цел да се заштити здравјето на децата и наставниот кадар.

-Адаптираниот продолжен престој подразбира настава во мали групи со избегнување мешање на децата од различни групи – тврдат од Општината.

Нејасно е што претставува во практика работата во мали групи и колку групи дневен престој ќе треба да се формираат и колку наставници да се ангажираат, доколку од секое одделение, кое е поделено во две смени, се пријават по две или три деца. Затоа што речиси е неизводливо, реагираат родителите, да има по седум-осум групи за дневен престој со максимално почитување на протоколите за да се зачува здравјето на децата

Прочитајте и...  Почина судијата од Апелационен суд Скопје Нуман Лимани

Во врска со исхраната, од Општина Карпош велат дека работат според новиот Правилник за стандардите, за исхраната и за оброците во основно училиште, донесен од Министерството за образование и наука во декември 2020 година.

– Во целодневната настава, исхраната се состои од појадок, ручек и две ужинки. Родителот самостојно одлучува дали неговото дете ќе зема храна, а операторот „Ванила“ има активен договор со училиштата. Основните училишта самостојно распишуваат јавна набавка за избор на економски оператор, кој ќе обезбедува храна за учениците – велат од Карпош, но не објаснуваат дали исхраната која е обврска за целодневната настава е и за дневниот престој, каде што учениците се згрижуваат само по неколку часови по завршувањето на наставата.

Поврзани вести

ВИДЕО I Русија ја активира северната флота: Целта е да се заземат стратешките точки на Арктикот по секоја цена

Слободен печат

Повторно се тресеше Хрватска: Земјотрес е забележан и во Словенија

Слободен печат

ВИДЕО I Заврши судењето за убиството на Афроамериканецот Џорџ Флојд: Војска и хеликоптери низ улиците на САД, Дерек Шовин е виновен

Слободен печат

ВОЗНЕМИРУВАЧКО ВИДЕО: 12-годишно девојче oд Велес, брутално нападнато од својата врсничка додека останатите гледаат и снимаат со телефон

Слободен печат

Кинеската вакцина е 93 отсто ефикасна во спречување на хоспитализација: Не е забележам ниту еден смртен случај

Слободен печат

Вработен во казино играл со пари што ги извадил од апарати, „се покрил“ со 5.000 службени евра

Слободен печат

Остави Коментар