Каролина Аврамовска ни препорачува: Израдувајте ги најблиските овој викенд со превкусни Парени колачи
„Ми се допаѓаат овие колачи поради едноставниот начин на подготовка, но најмногу поради нивниот вкус – омилен ми е. Според рецептот, во шербетот се става кора од лимон, ама бидејќи немав, ставив лимонтус, кој му даде убав шмек на шербетот.“
Потребни состојки:
- 2 чаши брашно (400 грама)
- 2 чаши гриз (400 грама)
- млеко (100 мл.)
- 1 чаша зејтин (200 мл)
- 2 јајца
- пола пакетче прашак за пециво
- пола коцка свеж / или една кесичка сув квасец
За шербет:
- 3 чаши шеќер
- 3 чаши вода
- кора од лимон или пола кесичка лимонтус
Подготовка
Сите состојки се замесуваат со 100 мл. млеко
Се расукува кора, а од неа се вадат кругови, јас овојпат ги формирав со помош на чаша. Се оставаат 10-15 мин за да стасаат, па се печат на 200 Целзиусофи степени, околу 20-ина минути, или додека не видите дека се испекле добро.
Откако ќе се испечат, се оставаат да се ладат.
Околу 5 до 6 минути оставете да вријат шеќерот и водата, а при крај се додава лимонтусот или кората од лимон.
Откако ќе се оладат колачите, се преливаат со топлиот шербет, и се оставаат за добро да го впијат.
Се декорира по желба. Јас ставив шлаг и посипав со чоколадни капки!
НА ЗДРАВЈЕ!
За повеќе вакви рецепти, заследете ја ОВАА ФЕЈСБУК ГРУПА и ОВОЈ ИНСТАГРАМ ПРОФИЛ.