Се чини дека тоа е малку потешко прашање, но според кардиологот Вилијам Дејвис, намирниците кои нашето срце ги сака, се исто така исклучително добри за одржување на здравјето на дигестивниот систем, а колку мозокот и цревата се тесно поврзани, сме напишале многупати досега.

Овој лекар смета дека секој треба да знае дека микробиомите од цревата можат да влијаат на имунитетот, функцијата на мозокот и здравјето на срцето. Тој открива за кои намирници станува збор.

1. Месо

Кардиолог кој советува месо? Ова не се гледа често бидејќи знаеме дека исхраната базирана на овошје и зеленчук се поврзува со здравјето на срцето. Интересно е што Американското здружение за срце објави дека луѓето кои следат план на исхрана богат со овошје и зеленчук имаат подобро здравје на срцето за дури 16 отсто. Но Дејвис под месо мисли на она одгледано на пасиштата и наведува дека месото е важен дел од здравјето на нашето срце, особено изнутриците, кои содржат витамини, железо, цинк, магнезиум, селен и растворливи витамини.

Ако не можете да јадете изнутрици, тој советува да јадете месо со кожа и коски, додавајќи дека современиот човек заборавил дека некогаш се јаделе и јазикот и срцето, црниот дроб и другите делови од животното, па денес забележува (што според него е глупава навика) дека купуваат месо без кожа и коски, а притоа забораваат колку хранливи материи има во нив, како што се колаген и хијалуронска киселина. Според овој доктор, вака всушност фрламе сѐ што е добро за срцето и варењето.

„Зачувајте ги маснотиите, кожата и коските и направете супа од нив“, советува тој.

2. Мешунки

Тие се полни со влакна кои ќе го намалат нивото на лошиот холестерол и на тој начин ќе го поддржат здравјето на срцето, од овој микробиот во цревата, исто така, ќе има голема корист од нив бидејќи го поттикнуваат развојот на добри бактерии. Но, кога ги нема доволно, може да ја уништи слузта која делува како заштитен слој на цревата што со текот на времето може да влијае на вашето здравје.

Иако влакната се додаваат на речиси секој производ што можете да го купите во продавница, најдобриот начин да ја надополните оваа хранлива материја е да консумирате храна природно богата со влакна. За жени под 50 години се препорачуваат 25 грама влакна дневно, а за оние над 50, околу 21 грам. Со влакна изобилуваат овошјето, зеленчукот, целите зрна, лебот и тестенините, кафеавиот ориз, овесот и мешунките (грав, грашок, леќа).

3. Есенцијални масла

Науката нема многу податоци за употребата на етерични масла, но во многу култури тие се користат за заштита на здравјето. Дејвис вели дека тие се добри за варењето, а постојат и студии кои нагласиле дека може да бидат многу корисни кај оние кои имаат нередовно варење. Тоа се маслото од нане, кое ќе ги смири нарушувањата и маслото од портокал, кое се покажало дека е добро за здравјето на желудникот и цревата.

Секако, пред употреба, мора внимателно да проучите како и во кои ситуации се користат и дали има некакви ограничувања. Не треба да ги користите самостојно, туку да ги разредите во вода бидејќи може да бидат и горчливи и кисели. Исто така, постојат многу видови масла кои не смеете да ги консумирате, па информирајте се за кои станува збор.