Кардиф го изневери семејството на Сала, сè уште не ја уплатил ветената помош по трагедијата
Покрај тоа англискиот тим одбива да му плати на Нант обесштетување за фудбалерот кој загина во пад на авион.
Семејството на трагично загинатиот аргентински фудбалер, Емилијано Сала, тврди дека несудениот тим играчот, Кардиф не ја уплатил ветената донација откако безживотното тело беше пронајдено по авионската несреќа.
Сала го загуби животот во јануари 2019 година откако авионот кој леташе кон Кардиф на потпишување на договорот, се сруши во Ламанш каналот. Телата на пилотот и фудбалерот беа пронајдени неколку недели подоцна.
И поранешниот тим на Сала, францускиот Нант го тужи Кардиф бидејќи не сака да го исплати обесштетувањето. Велшкиот тим се правда дека договорот официјално не е потпишан, додека Нант има свои аргументи и бара да му бидат исплатени 19 милиони евра.
Сега се јави и адвокатот на семејството на трагично загинатиот Сала кој тврди дека Кардиф не им ги исплатил ветените пари.
– Кардиф го контактираше семејството поради донација, но тие во Аргентина се вратија без пари. Не дадоа објаснување зашто не ги уплатија парите. Во јануари годинава сите читавме дека семејството е среќно бидејќи се договори со Кардиф, но вистината е поинаква. Сакаме да потенцираме дека клубот го измами семејството кое иако се наоѓа во тешка финансиска состојба тие немаат добиено никакви парични средства – изјави адвокатот на семејството на Сала.