Карди Би поднесе барање за развод од раперот Офсет и го нарече нивниот брак „неповратен“
Карди Би поднесе барање за развод од нејзиниот сопруг раперот Офсет по само три години брак.
Пејачката на хитот „Тhe Black Yellow“ поднесе документи во судот во округот Фултон во Џорџија под нивните вистински имиња – Белкалис Алманзар и Киари Сефус.
Двојката се венча на тајна церемонија во 2017 година и ја добија ќеркичката Култур која има само две години.
Во документите за развод, пејачката Карди Би (27) наведува дека „бара основно физичко и законско старателство“ над нивната ќерка. Покрај тоа таа бара и алиментација за детето, иако точната сума сè уште не се знае.
Изводи блиски до двојката тврдат дека „веројатно нема опција за да се смири ситуацијата“ и дека односите се „неповратно нарушенин“.
Сепак, Карди Би се надева дека разводот „ќе биде решен со меѓусебен договор“.
Веста за разделбата на познатата двојка ја објави Hollywood Unlocked.
Со неверојатниот успех по нејзиниот деби студиски албум „Invasion of Privacy“, се претпоставува дека имотот кој го поседува Карди Би вреди околу 24 милиони долари, додека богатството на 28-годишниот Офсет се проценува на 26 милиони долари.
И покрај она што се чинеше како неверојатна љубовна приказна на социјалните мрежи, последен пат беа фотографирани заедно на 20 август. Неверството на нејзиниот сопруг се чини дека беше последната капка во чашата на пејачката.
„Офсет постојано ја изневеруваше, но Карди гледаше на другата страна поради бебето. Таа исто така не сакаше да се посрамоти. Но, веќе не можеше да издржи“, раскажува близок извор на пејачката.
Карди и претходно го обвини Офсет за неверство, уште во 2018 година само пет месеци по раѓањето на нивната ќерка, но тогаш одлучи да му даде уште една шанса.