Карбинци ќе гради влез и мост на Козјачка Река

Карбинци ќе добие пристоен влез и нов мост на Козјачка Река. Градоначалникот на Општина Карбинци, Јордан Насев вели дека улицата на влезот ќе биде долга 420 метри, широка шест метри и тротоари од двете страни со ширина од 1,5 метар додека мостот ќе биде со должина од 28 метри и ширина од 9,5 метри.

Општина Карбинци постои веќе 20 години и седиштето е во истоименото село, досега како што вели Насев не се најдени начин ни пари влезот овде да се направи не само поубав, туку и побезбеден.

–Имаме 250 домаќинства и околу 1.000 жители, а нема соодветен влез за луѓето со тешка механизација, односно нема пристап за камиони. Единствен влез е преку мостот на регионалниот пат 601 Штип-Карбинци, меѓутоа влегувањето во населеното место е отежнато и безбедноста на граѓаните е загрозена, вели Насев.

Изградбата на пристапниот влез и мостот на Козјачка Река чинат 22 милиони денари, од нив 19 милиони денари се обезбедени преку Агенцијата за финансиска поддршка на земјоделието и руралниот развој, а остатокот од три милиони денари ќе го обезбеди Општината.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот