ФОТО: Каратистката Пулексенија Јованоска деветта на Игрите во Токио
Македонската претставничка во карате, Пулексенија Јованоска утринава го освои деветтото место на Олимписките игри во Токио во дисциплината кати.
Јованоска испиша историја во македонското карате, таа стана првата Македонка која учествувала на едни Олимписки игри во карате, спорт кој во Токио го има премиерното издание но е тргнат од програмата на наредните Игри во Париз.
Јованоска имаше резултати од 23.80 и 24 поени, кои и го донесоа деветтото место од вкупно десет каратистки кои се натпреваруваа во кати во Токио.
Македонската делегација на Игрите во Токио, утре ќе ги заврши своите настапи со борачот Магомедгаџи Нуров. Според најавите, Нуров е вториот адут на Македонија за остварување на забележителен резултат во Токио, по неверојатниот успех на Дејанм Георгиевски кој го освои сребрениот медал во таеквондо.
