Карантинот во Италија даде резултати, епидемиолошката состојба е подобра

epa08820453 People walking through the center of Milan, during the second wave of the Covid-19 coronavirus epidemic, in Milan, Italy, 14 November 2020. Lombardy is in the red zone with the highest level of restrictions. EPA-EFE/MATTEO CORNER

Воведувањето регионални карантини во Италија, односно „црвени зони” со строги анти-ковид мерки, даде резултати, бидејќи епидемиолошката состојба е подобра, изјави денеска генералниот директор на Одделот за превенција во Министерството за здравство Џовани Реза.

Во Италија, бројот на новозаболени лица во последните седум дена постојано се намалува, а во последните 24 часа има 19.350 новозаразени и 785 смртни случаи.

Реза објасни дека бројот на жртви од ковид-19 ќе расте уште некое време, бидејќи смртните случаи регистрирани деновиве се оние пациенти кои се заразиле пред воведувањето на строгите ограничувања, со оглед на тоа што од моментот на заразување до исходот од болеста поминуваат околу 30 дена.

Претседателот на Високиот институт за здравство, Силвио Брусаферо, потврди дека епидемиолошката состојба е подобра отколку пред две недели, факторот Рт кој е показател за брзината на ширењето на коронавирусот значително опаднал, особено во регионите кои беа „црвени” во последните две недели.

Сепак, тој наведува дека сè уште нема причина граѓаните да бидат спокојни, бидејќи процентот на заразени во однос на бројот на тестирани е сè уште висок.

Италијанската Влада подготвува нова наредба која ќе важи од 4 декември до 7 јануари.

Според медиумите, таа ќе содржи голем број ограничувања, пред сè полициски час од 22 до 5 часот наутро, а за Божиќ и Нова година ќе важи забрана за движење меѓу регионите, додека Божиќната миса ќе се одржи во 18 часот наместо традиционално на полноќ.

Конференцијата на италијанските католички бискупи веќе потврди дека сите верски служби ќе се одржуваат со строго почитување на анти-ковид мерките.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот