Каран: Нема да го браниме резултатот од Ереван
Екипата на Шкупи има активен резултат од првиот натпревар против ерменскиот тим Пјуник (3:3) од првиот натпревар од квалификациите за Лигата на Европа.
Иако резултатот е поволен, тренерот на Шкупи, Умит Каран посакува победа и пласман во следната рунда во квалификациите за ЛЕ.
– Веројатно никој не очекуваше таков резултат (3:3), но во фудбалот мора да веруваш во себе ако сакаш да оствариш нешто. Имавме шанси и за четврти гол на првиот меч, а потоа сфативме дека такви грешки не се простуваат во Европа. Имаме резултат со кој и 0:0 не носи во наредната рунда, но нема да играме на 0:0 цели 90 минути. Ќе ја играме нашата игра и се надеваме за добар резултат – изјави Каран.
Освен пласман во наредната рунда, мотивите на Каран се и да се оствари што подобар пласман за да се крене рејтингот на македонските екипи.
– Сите ние ја претставуваме Македонија и мора да играме подобро за да го промовираме фудбалот и да се избориме за подобар рејтинг – вели Каран.
Дуелот меѓу Шкупи и Пјуник се игра утре од 20:45 часот на Арената „Тодо Проески” во Скопје.