Карачиќ: Сè ме потсетува на 2017 година! (ВИДЕО)
Повторно нема да биде лесно, но мотивацијата е присутна и сите размислуваат како од „аутсајдер“ да се биде победник.
Вардар сезонава двапати загуби од Барселона, но во Келн е само еден меч, а изненадувања се случувале. Тоа добро го знае каталонскиот гигант пред две години кога им пресуди тогашниот член на македонскиот шампион, Лука Циндриќ.
Игор Карачиќ е играч што е најдолго во Вардар, играше на сите досегашни Ф4 настапи.
– Сето ова ме потсетува на 2017 година. Дојдовме во Келн без притисок, сакаме на сите да им ги замрсиме сметките. Тоа ни успеа пред две години. Лани дојдовме освојувачки и имавме премногу притисок. Се радувам на овој Ф4. Немаме што да загубиме. Играме според мене најдобриот тим не само во Европа, туку и во светот. Сепак, годинава Вардар покажа дека има карактер и срце и дека се враќа од тешки ситуации. Ќе дадеме сè од себе за да ја совладаме Барселона. Ова ни е трета година, а знаеме дека што е поголемо искуството. Секој има 25 проценти шанса за титулата – вели Карачиќ.
Мечот меѓу Вардар и Барселона ќе се игра в сабота (утре) од 18.00 часот во „Ланксес“ арената.