Поразите од Португалија и од Норвешка за еден од главните фаворити, Франција, значеше крај на настапите на ЕП. Испаѓањето во групната фаза е најлошиот пласман во историјата на “триколорите“ на ЕП, кои досега три пати ја освојуваа титулата на континенталниот собир. Неуспехот на ЕП во медиумите беше окарактеризиран како катастрофа, а денеска со свое видување за катастерофалниот настап се огласи и најдобриот француски ракометар, Никола Карабатиќ.

– Кога го освоивме бронзениот медал рековме дека тоа е половичен резултат. Да, можеме да кажеме дека ова е криза, и по ова не е важно како се вика туку како ќе се справите во тоа.

За нас е многу разочарувачки што вака испаднавме, против Норвешка се боревме, некое време верувавме дека можеме да победиме. На крајот, исто како и на натпреварот со Португалија, некои ситни работи, недоразбирања и индивидуалните грешки ни донесоа пораз бидејќи светскиот вицешампион не простува такви работи.

Испаѓањето во групната фаза не е резултат кој треба да го имате кога го носите овој дрес. Се навикнавме да бидеме на победничкиот пиедестал и да освојуваме медали. Моментно сме во „црна дупка“ но веќе сме биле во оваа позиција пред Олимписките игри во 2012 и 2016 година – изјави Карабатиќ.