Британските медиуми пренесуваат дека принцот Хари и Меган Маркл нема да го поминат Божиќ на традиционалното семејно собирање кај кралицата. Тоа би можело дополнително да ја зголеми тензијата и да ја загрози нивната и така разнишана слика во јавноста.

Хари и Меган наводно ѝ рекле на кралицата дека нивниот син Арчи нема да го помине својот прв Божиќ со кралското семејство, туку дека сакаат да бидат сами за да ги „наполнат батериите“ и да направат нови планови.

Се зборува дека постојат две опции – да останат дома во Виндзор или да отпатуваат кај мајката на Меган, Дорија Рагланд, во Лос Анџелес. На одмор ќе бидат шест недели, а Хари се согласил Денот на благодарноста да го поминат кај Дорија.

„Мислам дека е тажно кога некој не сака да биде дел од семејното собирање, особено сега кога кралицата е стара“, рекла биографката Ингрид Стјуард и истакнала дека Елизабета сигурно ќе биде повредена, но и дека е премногу грациозна и искусна за да дозволи тоа да се забележи.

Стјуард исто така напоменува дека Меган се обидува да „се извади“ на малиот Арчи, објаснувајќи дека ќе биде преголема гужва и дека на Арчи ќе му биде пренапорно, но изгледа дека се работи само за нејзините лични желби и за личните желби на принцот Хари.