Најеуфорични беа најмладите, но задоволството да се биде покрај капитенот на шампионите не го криеја ниту повозрасните.

Стоилов порача дека победата не е само на ракометниот клуб, туку и на „Аџибадем Систина“, бидејќи лекарите, неуморни на терен, се заедно со нив секогаш кога им се потребни.

– Оваа победа не е само на РК Вардар, ова е победа и на „Аџибадем Систина“, тие се со нас постојано 24/7 кога и да имаме потреба од нив. Имаме огромна доверба во лекарите, професионална и надвор од тоа, д-р Михајло Ивановски е мој драг пријател кој секогаш кога треба е тука со добри совети. Не само јас, туку сите играчи на РК Вардар се презадоволни од „Аџибадем Систина“ – изјави капитенот Столе Стоилов.

Трауматологот д-р Михајло Ивановски, кој беше нивен доктор во текот на целата сезона и со нив ги делеше сите предизвици и подеми, но и падовите, повредите и исцрпеноста, вели дека ракометарите на терен зависат од своето здравје и дека редовните лекарски прегледи и физичката подготвеност се од огромна важност за сите спортисти.

Ни претставува чест што сме дел од тимот кој покажа професионалност на спортскиот терен и донесе радост и национална гордост. „Аџибадем Систина“ веќе шест години соработува со РК „Вардар“ и таа поддршка ќе продолжи и во иднина.