Капиталните инвестиции за инфраструктурни проекти остануваат на првичните проекции
Ќе се зголеми опфатот и интензитет на реализацијата на инфраструктурните проекти, велат од ЈПДП.
Јавното претпријатие за државни патишта денеска информира дека нема потреба од загриженост кај компаниите во градежниот сектор, а уште помалку навестувања за некакви, како што велат, црни сценарија за отпуштања на градежните работници заради наводно стопирање на градежните активности или пак прекинување на капиталните инвестиции.
– Капиталните инвестициина ЈП за државни патишта не само што нема намера да прекинат, туку има план да се зголеми опфатот и интензитет на реализацијата на инфраструктурните проекти. се вели во соопштението од ЈПДП.
Со оглед на тоа што доаѓа период на градежна сезона, претпријатието посочува дека продолжува со исто темпо и во наредниот период, кога ќе следуваат објави за проекти кои се кредитирани со заеми од ЕБРД или проекти финансирани со средства од буџетот на ЈПДП.