Раперот Канје Вест и ријалити ѕвездата Ким Кардашијан го шокираа светот пред неколку месеци кога почнаа да се шират гласини дека се разведуваат. Сега, конечната одлука е донесена – нивниот брак заврши.

Според „Mirror“, Канје сега на музиката и го завршува својот долго најавуван десетти студиски албум. Фановите со нетрпение го чекаат, а тој ги преработува стиховите „инспириран“ од разводот.

„Новиот албум на Канје ќе биде за разделбата и разводот со Ким. Тоа го пишуваше со месеци“, изјави извор близок на раперот за странски медиуми и додаде дека Кардашијан го замолила да ја почитува приватноста на нивното семејство во неговите песни.

Откако минатата недела се рашири веста за нивниот развод, извори блиски до парот за „Page Six“ изјавија дека нивниот развод е неизбежен.

„Ким го натера Канје да оди во Вајоминг за да можат да живеат одделно и мирно и на крајот да се разведат“.

Иако нивниот развод за многу нивни фанови беше шок, се чини дека има и такви кои знаеле дека овој ден ќе дојде некогаш. Поранешната дадилка на семејството Кардашијан, Пем Бехан (52), уште на самиот почеток на нивниот брак знаела дека нема да трае вечно.

„За разлика од Ким, Канје не знаеше како да се носи со големиот успех. Лично и се восхитувам на Ким што се обиде да го одржи тој брак шест години. Знам дека тоа го правеше најмногу поради децата“, изјави таа за „ The Sun“.