Канје Вест потврди дека ќе се кандидира за претседател на САД во 2024 година, по неуспешниот обид пред две години, пишува „Њујорк Пост“.

Раперот ги потврди плановите во видео кое беше објавено на твитер-профилот „Patriot Takes“, а подоцна е избришано. Вест објави дека контроверзниот ултрадесничарски коментатор Мило Јанопулос ќе работи со него на кампањата и дека веќе почнале да планираат.

„Тука е и Мило кој работи на кампањата“, рекол раперот, а некој го прашал дали е тоа официјално соопштение. Мило одговорил дека „претпоставува дека е“ и дека ја прифаќа понудата.

Снимателот потоа го прашал Канје дали ќе влезе во трката, на што раперот одговорил:

„Да. Едноставно е, бидејќи никој не може да ми каже: „Можеш да го кажеш ова, а не да го кажеш ова“, знаеш?

Вест објасни дека „се работи за движење кон иднината“, а објавата дојде откако неговиот профил на Твитер беше обновен. Во последниот обид да се кандидира, во 2020 година, освои само 50 илјади гласови.

Вест неодамна беше во центарот на голем скандал, а речиси сите големи спонзори го напуштија, откако се појавија снимки на кои тој изнесува непријателски ставови и говор на омраза против Евреите.

Падот на Канје Вест: Од музичка икона, до човек кому светот му го сврте грбот