Канје Вест платил 35 илјади долари надомест за да се кандидира како независен кандидат и ќе се појави на гласачкото ливче во сојузната држава Оклахома, јавува Гардијан.

Сепак, ситуацијата е збунувачка зошто многу извори тврдат дека Вест ја завршил својата краткотрајна кампања.

Вест е еден од оние тројца кандидати кои уплатиле партиципација за влез на изборите како независен кандидат. Негова конкуренција меѓу независните е пијанистката Џејд Симонс и бизнисменот Брок Пирс.

Музичарот поднел барање и ја уплатил партиципацијата ден откако извор од Њујорк Магазин го цитираше советникот на Вест, Стив Крамер кој рече дека вест нема да се кандидира и дека персоналот кој го ангажирал е разочаран.

Вест веќе го пропушти рокот за пријава на изборите во неколку сојузни држави, а условите кои кандидатите треба да ги исполнат за да се појават на гласачките ливчиња се разликуваат од држава до држава.

Вест изјави дека својата верзија на Белата куќа ја замислува како во филмот Црниот Пантер и ако победи сака „враќање во Ваканда“, реферирајќи притоа на фиктивната земја од наведениот филм.