Канје Вест потврди дека ќе се кандидира за претседател на САД во 2024 година, по неуспешниот обид пред две години, пишува „Њујорк Пост“. Раперот ги потврди плановите во видео кое беше објавено на твитер-профилот „Patriot Takes“, кое подоцна беше избришано. Вест објави дека контроверзниот ултрадесничарски коментатор Мило Јанопулос ќе работи со него на кампањата и дека веќе почнале да планираат.

По објавата за кандидатурата американскиот рапер откри дека го советувал поранешниот претседател Доналд Трамп дека ќе биде одличен кандидат за негов потпретседател во 2024 година, на што Трамп, како што вели, полудел, пренесе германската новинска агенција „Dpa“.

https://t.co/LJvIF7iQgm pic.twitter.com/u1xYHYzeLH

— ye (@kanyewest) November 25, 2022

Раперот тврди дека рекол дека сака Трамп да се кандидира за потпретседател со билет за Белата куќа на чело со него како претседателски кандидат, за време на жестоката средба во имотот на Трамп Мар-а-Лаго во Палм Бич, Флорида.

„Мислам дека Трамп беше најмногу вознемирен што го замолив да ми биде потпретседател“, рече Канје во видеото објавено на неговиот неодамна обновен профил на Твитер.

Трамп кристално јасно стави до знаење дека нема да поддржи никого освен себе на претседателските избори во 2024 година.

„Трамп всушност почна да вреска по мене на масата велејќи ми дека ќе загубам“, продолжи Канје.

И Вест и Трамп неодамна беа вратени на Твитер од новиот сопственик на платформата, милијардерот Илон Маск.