Кандидатот за градоначалник Николов ветува 100 куќи за социјално загрозени семејства во Штип
Кандидатот за градоначалник на СДСМ, Сашко Николов на денешната прес-конференција порача дека како иден градоначалник на Штип се обврзува дека ќе продолжи да работи во интерес и со грижа за сите граѓани. Еден од неговите приоритети е изградба на 100 типски куќи во населбата Света Недела за социјално ранливите семејства.
-Продолжуваме да работиме врз принципите на социјална правичност и еднаквост. Според приоритетите на граѓаните ќе продолжиме да градиме одговорно, квалитетно и домаќински. Еден од приоритетните проекти во нашата програма е предвидена реализацијата на 100 типски куќи во населбата Света Недела. Со ова ќе им помогнеме и ќе го решиме проблемот на социјално загрозените семејства,кои со години живеат во нелегализирани градби во субстнандардни и нехумани услови, рече Николов.
Забележа дека Штип заслужува да биде топол дом на сите.