Кандидатот за градоначалник на ТМРО најави повеќе пари за штипскиот Дом на млади
Кандидатот за градоначалник на ТМРО, Лазар Наумов на денешната прес-конференција најави дека ќе се издвојат повеќе пари за работата на Дом на млади, а оваа институција какошто рече ќе биде свртена целосно кон младите.
-Финансирање на секциите од типот на драмска, музичка, ликовно, хор, градски оркестар, филм. Општината фиансиски да ги поддржува културно-уметничките самодејности, особено, кога станува збор за меѓународна презентација на македонската култура и уметност, рече Наумов.
Меѓу неговите приоритети е и изградба на подземни контејнери, по примерот на европските земји. Овие контејнери, какошто вели ќе бидат на местата, каде што веќе има поставено канти за отпадоци во централното градско подрачје.