Канадските возачи на камиони со протест против задолжителната вакцинација

Протест на возачи на камиони
Протест на возачи на камиони / Фото: EPA-EFE/STEVE FECHT

Стотици канадски возачи синоќа одржаа протест со камиони до Отава против барањето за вакцинација доколку сакаат да ја преминат границата со САД.

Учесниците во, како што го нарекуваат „Конвојот на слободата”, кој привлече се поголемо внимание во последните денови, патуваат кон канадскиот главен град од најоддалечените провинции на земјата, како што се Британска Колумбија и брегот на Пацификот. Местото за собирање на демонстрантите е центарот на Отава.

Од средината на јануари, Канада и САД бараат вакцинација против kовид-19 за возачите на камиони кои ја преминуваат границата. Некои возачи го осудија воведувањето на барањето. Основачот на Тесла, Илон Маск, објави на Твитер во четвртокот поддршка на канадските возачи на камиони.

„Овие протести се национални по обем. Тие се огромни. За жал, тие се поларизираат”, изјави вчера началникот на полицијата во Отава, Питер Слоули. Тој не можеше да каже колкав ќе биде веројатниот број на камиони или демонстранти, но предупреди на „големи проблеми со безбедноста во сообраќајот” во главниот град и побара од луѓето да избегнуваат излегување на улиците. Слоули рече дека организаторите на протестот и кажале на полицијата дека ќе биде мирен, но предупреди дека некои луѓе би можеле да му се придружат за да „поттикнат омраза и насилство”. Цел може да бидат и политичари во федералниот главен град, предупреди началникот на полицијата.

Некои бизниси веќе се затворени за викендот, објавија локалните медиуми, објавувајќи снимки од пристигнувањето на првите камиони во близина на парламентот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот