Канадскиот премиер Трудо го посети украинскиот град Ирпин
Канадскиот премиер Џастин Трудо денеска го посети украинскиот град Ирпин, во регионот на Киев, каде што разговараше со градоначалникот Олександар Маркушин.
Маркушин на својот фејсбук-профил напиша дека разговарал со премиерот на Канада.
– Дојде во Ирпин да го види со свои очи целиот ужас што руските окупатори му го направија на нашиот град. И, се разбира, тој беше шокиран. Ги виде изгорени и целосно уништени куќите на жителите на Ирпин кои до неодамна се радувале на животот и имале свои планови за иднината, напиша Маркушин на Фејсбук.
Тој му се заблагодари на Трудо за поддршката на Канада за Украина и додаде дека верува во натамошна соработка кога станува збор за обнова на украинските градови по завршувањето на конфликтот.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот