Камерон Дијаз во разговор со Наоми Кемпбел откри дека се враќа на актерството
Актерката Камерон Дијаз (48) гостуваше во емисијата „No Filter“ на Јутјуб која ја води нејзината пријателка, манекенката Наоми Кемпбел (50). По тој повод Камерон зборуваше за враќањето на филмското платно, по долгата пауза од 2014 година кога и се повлече од актерството.
„Ќе се вратам и луѓето ќе кажат еве нова постара актерка на сцена. Хахаха. Никогаш не вели никогаш“, се пошегува Камерон зборувајќи за своето враќање на сцена.
Во 2019 година Камерон со нејзиниот сопруг Бенџи Маден(41) станаа родители на ќеркичката Редикс. Иако не го исклучува професионалниот живот во целост, Дијаз инсистира на тоа дека мајчинството е „најсреќниот период во нејзиниот живот“ и дека ѝ се посветува целосно на својата ќерка.
Дијаз во разговорот со Наоми се присети и на улогата во филмот „Mask“ која речиси ќе ја пропуштела, затоа што во тој период се занимавала со моделирање.
„Во тоа време, имав 21 година, а продукцијата преговараше за улогата со мене и Ана Никол Смит. Десет дена пред снимањето тие ја потврдија мојата улога и јас започнав со часови по глума“, рече таа за улогата што всушност ја прослави, а покрај неа главната улога ја имаше комичарот Џим Кери.
Неодамна Камерон Дијаз ја изненади јавноста објавувајќи ја веста за раѓањето на нејзината ќерка Редикс, а никој не ни знаеше дека е навистина бремена.
Со месеци се шпекулираше дека актерката чека бебе, но ниту таа, ниту нејзиниот сопруг не потврдија ниту негираа, сè до моментот кога Камерон на почетокот на јануари објави дека станала мајка.
Во интервјуто додаде дека нејзиниот споруг е прекрасен татко и дека се чувствува среќно затоа што тој секогаш ѝ помагал и дека на крајот од денот има време за себе знаејќи дека тој се грижи за нивната ќерка.