Во франшизата која сакаше да ми ја продаде Бојан Јованивски беше продавање памет. Договор или франшиза ти е исто, како сакаш крсти го. Јас пред судот не лажам, рече Орце Камчев во директното испрашување од страна на Сашо Дуковски, адвокат на обвинетиот Бојан Јовановски. Камчев е прв сведок во процесот „Рекет“.

Запрашан дали Камчев се сеќава на првата средба со Јовановски, тој рече дека „не му е девојка, па да се сеќава“.

– Не се сеќавам на првата средба. Да ми е девојка ќе се сеќавам – рече Камчев.

По ваквиот одговор, следуваше дофрлање од страна на Јовановски, по што судијката јавно го опомена дека ако уште еднаш дофрли или прозбори ќе го казни.

– Мојата гаранција од 14 милиони евра беше отфрлена од Лиле и Катица за да глодаат како хиени – рече Камчев.