Камбовски: Политиката треба да ја наведне главата пред правото
Можеме да не го усвоиме законот и да си продолжиме по старо, да ги продолжиме нашите приказни за криминалот и корупција. Да се одолговлекува уште долги години процесот на евроатланските орагнизации, но цената ќе биде скапо платена- рече Камбовски.
Академик Владо Камбовски на денешната јавна распава, која ја организира Комисијата за политички систем, порача дека од прагматични причини Собранието треба да го донесе Законот за јавното обвинителство, дури и по цена изборите да бидат одложени за еден месец.
-СЈО кое беше формирано со заедничка волја на сите парламентарни партии, се распадна. Меѓутоа тоа сè уште постои во правниот поредок. Собранието мора да се грижи за уставноста. Ако мислевте дека треба да продолжи, зошто не избравте нов специјален обвинител, туку тоа се распадна. Ако веќе не постои тогаш треба да се донесе друг закон. Сега би можеле да се пријават и бројни и други аргументи зошто сме пред еден рационален притисок да го усвоиме законот. Можеме да не го усвоиме законот и да си продолжиме по старо, да ги продолжиме нашите приказни за криминалот и корупција. Да се одолговлекува уште долги години процесот на евроатланските орагнизации, но цената ќе биде скапо платена- рече Камбовски.