Камала Харис е негативна на коронавирусот
Американската сенаторка Камала Харис, кандидатката за потпретседателка на САД, е негативна на тестот за коронавирус, непосредно откако го откажа патувањето за неколку дена бидејќи две лица од нејзиниот тим се заразени.
И Харис и нејзиниот маж Даг Емхоф се негативни на тестот, соопштија од изборниот штаб на претседателскиот кандидат Џозеф Бајден.
Харис ќе стане потпретседателка на САД, првата жена и првата Афроамериканка на некоја од двете највисоки позиции во САД, ако Бајден го победи Трамп на актуелните избори за претседател на 3 ноември.
Харис претходно денеска објави дека го откажува патувањето на предизборни активности во сојузната држава Северна Каролина и наместо тоа ќе одржи виртуелен говор.
Late last night, I learned a non-staff flight crew member & a member of my team tested positive for COVID. I wasn’t in close contact—as defined by the CDC—with either during the 2 days prior to their positive tests.
I've had 2 negative tests this week & am not showing symptoms.
— Kamala Harris (@KamalaHarris) October 15, 2020
И Бајден (77), претседателскиот кандидат на демократите, денеска повторно беше тестиран негативен на коронавирусот.
Извор: Бета.рс