Калина Гривчева-Старделова останува на чело на Лекарската комора, доби доверба за уште еден мандат
Доктор Калина Гривчева-Старделова попладнево доби доверба од членовите на Лекарската комора да управува со еснафското здружение уште четири години, објави „Фокус“.
Д-р Гривчева-Старделова, која работи на Универзитетската клиника за гастроентерохепатологија, првпат дојде на чело на Комората во 2017 година. На денешното гласање, таа добила 51 глас, додека за нејзината противкандидатка, д-р Емилија Велкова од Институтот за трансфузиона медицина, гласале 24 членови на Комората.
Според „Фокус“, за време на целата процедура, се знаело дека д-р Старделова ќе влезе во трката за втор претседателски мандат, но до последен момент не било познато името на нејзиниот противкандидат.