Најдобриот македонски тенисер Калин Ивановски постигна победа во мечот од првото коло на фјучрсот во Сетубал, Португалија, што се игра за награден фонд од 25.000 долари.

Ивановски го победи „стариот познаник“ Французинот Саша Вајенбург (кого го совлада во финалето на скопскиот фјучрс) со 2:0 во сетови (6:4, 6:4) за еден час и 27 минути игра.

На овој меч Ивановски имаше три брејка од четири можности, а противникот еден од две можности.

Македонецот, кој е трет носител на турнирот, во второто коло ќе игра со победникот од мечот на протугалските тенисери Франциско Роча и Дуарте Вале (од кого загуби на претходниот турнир во Поругалија).

На фјучрсот во Сетубал Ивановски настапува и во игра на двојки со Елдин Хусеиновиќ, а во првата рунда утре ќе играат против вторите носители Треј Хилдебранд и Ноа Шахтер од САД.