Калифорнија: Нема да има повеќе приватните затвори

фото: Pixabay.com

Гувернерот на Калифорнија Гевин Њусом донесе закон за укинување на приватните затвори, институции кои ги обвини дека придонеле за поголем број затвореници.

Њусом, демократ кој на чело на Калифорнија дојде во јануари, рече при потпишувањето на законот дека приватните затвори „придонесуваат за пренатрупаност на затворите” и „не ги одразуваат вредностите на Калифорнија”. Во март, тој издаде мораториум за смртната казна во најбогатата американска држава.

Новиот закон им забранува на затворските установи во Калифорнија од 2020 година да склучуваат нови договори или да ги обновуваат постојните договори со приватните затвори, кои до 2028 година веќе нема да постојат во таа држава.

Истата мерка се однесува на приватни фирми кои водат центри за притвор за илегални мигранти.

Од вкупно 115.000 затвореници во Калифорнија, околу 1.700 се наоѓаат во приватни затвори, каде што условите честопати се предмет на критика од бранителите на човековите права.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот