На крајот од месецот започнуваат возбудувањата во Серија А, а можно е „колонијата“ македонски фудбалери во италијанската елита да биде зголемена за уште еден наш фудбалер.

Горан Пандев е веќе стандарден во Џенова, а после Елиф Елмас (Наполи) и Илија Несторовски (Удинезе), летово Трајковски би можел да биде третиот Македонец по ред што ќе биде дел Калчото.

И претходно се шпекулираше околу иднината на досегашниот член на Палермо кој е исфрлен дури во Серија Д. Се објавуваа информации дека понуди има од Спортинг Лисабон и Милан.

Денеска повторно нови понуди за Трајковски, три калчолигаши застанаа во трката за потписот на напаѓачот, тие се Верона, Лече и Бреша, пренесуваат италијанските медиуми.

Лани во Серија Б за Палермо имаше учинок од осум голови и 12 асистенции. За две сезони во Серија А со тој клуб од 43 мечеви имаше четири погодоци.