Калајџиев: Судството мора да пресече по право, а не по политика

Професор Гордан Калајџиев

Судството треба да престане да чека одлуки од политиката, но како што гледам и колку ја сфаќам работата се чека практично донесување на овој закон кој би ја решил демек судбината на СЈО, но особено како демек да го реши спорното прашање за тоа дали обвиненијата подигнати по 18 месеци од преземањето на бомбите може да продолжат и мислам дека тоа е погрешно, нагласи Гордан Качајџиев, претседател на Хелсиншки комитет за човекови права одговарајќи на новинарско прашање за правниот вакуум во врска со статусот на СЈО.

-Правниот систем е поделен. Од една страна Врховниот суд, а од друга Министерството за правда, СЈО и странските амбасади. Проблемот со рокот на Обвинителството треба да се решава со принципи, а не со навивање, рече Калајџиев.

Тој изјави дека судството мора да пресече по право, а не по политика.

– Судството мора да пресече по право, а не по политика. Судиите се ставени меѓу чеканот и наковалната. Државата не може да си игра со судбината на обвинетите, во смисла дека може еднаш да прекине да ги гони, а потоа со нов закон да продолжи со кривичниот прогон, рече Калајџиев.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот