Каква е иднината на нафтената индустрија? Цената на „Црното злато“ на најниско ниво – опоравувањето ќе трае долго
Пазарот за нафта во моментов е под голем притисок поради слабата потрошувачка на гориво, за што најмногу придонесува пандемијата од корона вирусот, како и негативните прогнози на Организацијата на земјите извознички на нафта ОПЕК како и на Меѓународната комисија за енергетика.
Турбуленциите на пазарите за нафта последнава недела наведоа голем број експерти уште еднаш да се запрашаат кои се главните причинители и уште колку долго ќе траат осцилациите во цената со овој енергенс. Иако, според мислењето на познавачите, дека веќе подолго време причина за нафтената криза е енормното производство и намалената побарувачка, многумина се сложуваат дека позицијата на нафтата како главен светски енергенс не е премногу загрозена. Ќе биде потребно, како што велат, уште време додека не се опорават светските економии.
Во овој поглед се прилично оптимисти, дури иако предвид се зема и дека во понеделникот цената на нафтата падна во минус. Ден потоа цената за барел нафта достигна околу 5 долари, а веќе следниот ден се искачи на 20 долари. Само за споредба, пред една година барел нафта се тргуваше по цена од 64 долари за барел, а пред половина година за 56 долари.
Пазарот за нафта во моментов е под голем притисок поради слабата потрошувачка на гориво, за што најмногу придонесува пандемијата од корона вирусот, како и негативните прогнози на Организацијата на земјите извознички на нафта ОПЕК како и на Меѓународната комисија за енергетика.
Експертите очекуваат опоравувањето на цената на нафтата ќе трае релативно долго, бидејќи ќе биде потребно време додека се воспостави авио превоз, бродскиот и останатиот сообраќај, а напоменуваат дека само на транспорт припаѓаат 64 отсто од глобалната потрошувачка на нафта.