Шпанските екипи со вечерашната победа на Реал Мадрид во Лигата на шампионите го вратија приматот во европскиот фудбал и притоа имаат неверојатна статистика.

Имено, шпанските екипи овој милениум, од 2001 година па досега, немаат пораз во финалните натпревари во европските клупски натпреварувања. Тие имаат неверојатен учинок, 21 победа во 21 натпревар.

Во четири наврати, во финалињата играле две шпански екипи меѓу себе и доколку не се сметаат тие натпревари, Шпанците против остатокот од Европа имаат 17 победи во 17 натпревари.

Во Лигата на шампионите, шпанските екипи имаат 10 титули, шест пати Реал Мадрид беше европски шампион (2002,2014,2016,2017,2018,2022) додека Барселона има четири триумфи (2006,2009,2011,2015).

Во Лигата на Европа, шпанските екипи имаат 11 титули, а екипи кои го кревале шампионскиот пехар се Валенсија (2004), Севила (2006,2007, 2014,2015, 2016, 2020), Атлетико Мадрид (2010, 2012,2018) и Виљареал (2021)