На страната на Државната комисија за спречување корупција може да се види имотната состојба на премиерот Зоран Заев.

Според неа, Заев пријавил возило Мини купер на неговите деца, кој е пријавен на вредност од 870 илјади денари (14,5 илјади евра).

Како имот на брачен другар тој пријавил стан од 46 метри квадратни во Струмица, а како имот на родители, деловен простор во Струмица вреден 3.690.000 денари, а со површина од 60 м2.

Заев пријавил и земјоделско земјиште од 4 хектари во Муртино, сопственост на на негови родители со вредност од 2,4 милиони денари и куќа вредна 18,45 милиони денари.

Единствено што е лично на премиерот Заев и во сегашниот и во претходниот имотен лист е заем кој го дал во 2012 година, а изнесува 4,3 милиони денари.

Во новиот имотен лист на Заев е впишан заем кој неговата сопруга го зела во вредност од 330.000 денари односно 5,5 илјади евра, а како „парични средства по основ на ликвидирање на фирма“ впишани се 6 милиони денари односно 100 илјади евра како имот на родителите.