Подобро да ни се лутат затоа што не сме излегле да зборуваме, отколку да не распнат. Вака министерот за отчетност и транспарентност, Роберт Поповски, им зборувал на лицата од кабинетот на министерката за одбрана Радмила Шекеринска додека новинарите и снимателите наместени ги чекале за прашања на темата, но и актуелностите како двојната функција на премиерот и тазе министер за финансии Зоран Заев и назначувањето на Садула Дураку во новото министерство за политички системи, објавува Истражувачката репортерска лабораторија – Македонија (ИРЛ).

Министерот за транспарентност, комуникации и отчетност во Владата, Роберт Поповски, заедно со вицепремиерката и министерка за одбрана Радмила Шекеринска и вицепремиерот за евроинтеграции Бујар Османи утрово во Клубот на пратеници, на новинарите им ја презентираше Стратегијата за развој на концептот за едно општество и интеркултурализмот.

ИРЛ објави дека нејзините новинари го слушнале министерот Поповски како ги советува пиар службите на Шекеринска да им избегаат на новинарите.

– Подобро да ни се лутат затоа што не сме излегле да зборуваме, отколку да нѐ распнат – ѝ рече Поповски на Лидија Јанчовска, портпаролката на министерката за одбрана незабележувајќи дека позади нив стои новинар.

Тогаш ИРЛ реагирале и му рекле:

„Вие сте министер за транспарентност и не може така да кажете“, на што тој рекол дека изјавите веќе се дадени (мислејќи на презентацијата на којашто немаше дозволено прашања за новинарите).

Целиот текст прочитајте го тука.