2 C
Скопје

Како се влезени вакцините од Србија во Косово?

Основното обвинителство во Косовска Митровица започна да собира информации за влез на вакцини за коронавирус од Србија во општините на северот на Косово каде што живее мнозинското српско население, потврди за Радио Слободна Европа главниот обвинител во Митровица, Сукри Сула.

Како што рече Сула, истрагата се спроведува со цел да се соберат информации и да се утврди дали фармацевтски производи влегле во Косово од Србија, преку нелегални канали или не, пренесува Радио Слободна Европа.

„Не можеме да кажеме ништо за влезот, без да знаеме како влегоа тие производи и кои се луѓето што ги донесоа“, вели главниот обвинител во Митровица. Тој додаде дека можностите вакцините од Србија илегално да влезат на Косово се многу. „Ако имаме докази дека биле шверцувани – затоа што треба да има овластување за нивна употреба – и ако се нелегални, ќе започнеме кривична постапка против оние што го сториле тоа“, рече тој.

Прочитајте и...  ВИДЕО | Д-р Пановски: Колективен имунитет е делумно создаден - да издржиме овие два месеци и да ја дочекаме пролетта со ниски бројки

Претседателот Александар Вучиќ, во врска со критиките од Приштина за испраќање вакцини, изјави дека никој нема да ја спречи Србија да се грижи за животот на своето население во Косово и Метохија.

„Само затоа што тие ги контролираат административните премини, не значи дека можат да го запрат животот. Не испративме топови и тенкови, туку лекови и вакцини. Подготвени сме да им испратиме и на Албанците. Но, немој да кажуваш дека сме загрозиле некого“, изјави Вучиќ.

Тој ги праша албанските политичари која точка на Бриселскиот договор меѓу Приштина и Белград ја прекршила Србија на тој начин. „Каде е кршењето на договорот? Не измислувајте глупости, туку кажете која точка, кој напис, кој став? Србија исполни сè од тој договор, а тие не ја направија ни Унија на српски општини“, вели Вучиќ.

Прочитајте и...  Шведската амбасадорка Бенгтсон ги претстави приоритетите на претседавањето на Шведска со ОБСЕ во 2021

Косовската влада соопшти дека врз основа на информациите на Царината и Граничната полиција нема податоци дека вакцините за коронавирусот влегле на северот на Косово од Србија преку официјалните патишта. „Доколку овие вакцини влегле во Косово преку нелегални патишта, тогаш косовските институции ќе ги преземат неопходните законски мерки против лицата вклучени во оваа нелегална активност, трговија со дрога“, се вели во реакцијата на двете институции.

Како што се додава, увозот на медицински производи мора да биде во согласност со правилата за увоз и со овластување на Агенцијата за медицински производи и опрема, без разлика дали станува збор за редовен увоз или за донација.

„Доколку производот не ја следи оваа редовна постапка, тогаш тој се смета за нелегален производ, додека надлежните органи ќе преземат соодветни правни активности“, се додава во соопштението.

Прочитајте и...  Санкционирани 218 возачи во Скопје, 18 од нив возеле без возачка дозвола

Во соопштението уште се посочува дека косовските институции немале официјална комуникација со институциите на Србија во врска со ова прашање.

Преземено од „Недељник“ од Белград

Поврзани вести

Бајден за отповикувањето на Трамп: Јас не верувам дека тоа ќе се случи

Слободен печат

Заев-Кундурос: Пријателството меѓу државите промовира стабилност во регионот, поддршка од Грција во евроинтеграциите

Слободен печат

Забрана за сообраќај на тешки моторни возила на патниот правец Тетово- П.Шапка

Слободен печат

Уставниот суд на Албанија одржи седница после три години нефункционирање

Слободен печат

Џудо-тренерот од Прилеп барал да сведочи на полиграф, не му дозволиле

Мирослава Бурнс

Нема да има увоз на возила под евростандард 5?

Остави Коментар