Претседателот на Португалија бил забележан и фотграфиран додека чекал ред во маркет, а на фотографијата се забележува дека ја одржува бараната социјална дистанца, како и дека носи маска на лицето.

Фотографијата од претседателот Марсело Ребело де Суса беше споделена на социјалните медиуми во неделата и оттогаш објавата стана вирална.

Она што ги воодушеви луѓето ширум светот е тоа што претседателот е облечен и се однесува како секој друг човек во маркет:

Според локалните медиуми, претседателот Ребело де Суса и министерот Антонио Коста се обидуваат да испратат порака на „нормалност“ на жителите на Португалија додека држава ги олабавува рестриктивните мерки за ковид-19.

Во понеделникот, во Португалија се отворија кафулињата и рестораните, но под посебни правила за претпазливост.

Веднаш по отварањето, премиерот Антонио Коста посети еден од најпопуларните кафе-локации во дистриктот Бенфика во главниот град Лисабон.

За репортерите изјави „Навистина ми недостига да пијам кафе надвор, на воздух. Ова убаво време навистина помага“ и додаде „Слободата да се биде надвор, сега е зголемена“.

Истиот ден, премиерот Коста беше забележан и како ужива за време на доручек во една пекара во дистриктот Сао домингос де Бенфика, заедно со претседателот на парохискиот совет Антонио Кардосо и неговиот асистент Тиаго Антунес.