Сексологот и терапевт за врски Грејс Хејзл сподели неколку совети за паровите кои поради актуелниот карантин можат да се најдат во тешки моменти.

Таа објаснува дека искрената комуникација, како и секогаш, треба да биде на прво место и дека треба да ги искажувате мислењата, емоциите, потребите и стравовите, но исто така и да го сослушувате партнерот.

За остварување на оваа цел, понекогаш е потребно да примените нови методи на комуникација, а Хејзл советува да го примените правилото на 5 минути.

Тоа подразбира дека секој од партнерите има пет минути да го каже она што му тежи, а во тоа време другиот нема да го прекинува, ниту вербално, ниту со гримаси, превртување очи, заминување од просторијата или слично.

Кога едниот партнер ќе заврши, оној кој слушал треба да каже со свои зборови како го сфатил кажаното, а потоа да има 5 минути да го каже своето мислење.

Процесот се повторува се додека не се дојде до заедничко решение.